જાણીતા સાહિત્યકાર ભારત સરકારનું પ્રતિનિધિત્વ કરતા મોસ્કોમાં ભારતીય સંસ્કૃતિ વિશે વ્યાખ્યાન આપશે

મોસ્કોમાં આગામી તા.3 થી તા.7 સપ્ટેમ્બરના રોજ યોજાનાર લીટ્રેચર ઉત્સવ દરમિયાન આંતરરાષ્ટ્રીય બુક ફેરમાં હસિત મહેતા ભારતીય સંસ્કૃતિ અને મહાકાવ્યો વિશે વ્યાખ્યાન આપશે. આ ઉપરાંત ભારત-રશિયા વચ્ચેના સાંસ્કૃતિક આદાન-પ્રદાન વિશેના ‘વોલ્ગા ટુ ગંગા’ વિષય ઉપરની ગોષ્ઠિમાં પણ તેઓને રજૂઆત કરવાનું આમંત્રણ મળ્યું છે. નડિયાદ એ સાહિત્યરત્નોની ભૂમિ છે. આ એક જ શહેરમાં આજદિન સુધીમાં 285 થી વઘુ લેખકો-સર્જકો થઈ ગયા છે. તેમાં વર્તમાન સમયના જાણીતા સાક્ષર હસિત મહેતાની આંતરરાષ્ટ્રીય કક્ષાએ પસંદગી થતાં નડિયાદ અને ગુજરાતનું ગૌરવ થયું છે.