મહેમદાવાદ તાલુકાના મોદજ કુમાર અને કન્યા શાળામાં એક પેડ માં કે નામ કાર્યક્રમ યોજાયો

ભારત દેશના વડાપ્રધાન શ્રી નરેન્દ્રભાઈ મોદી દ્વારા સમગ્ર દેશમાં એક મહા અભિયાન ઉપાડવામાં આવ્યું છે એક પેડ મા કે નામ અંતર્ગત ભારત દેશના દરેક નાગરિક પોતાની માતાની સ્મૃતિમાં એક વૃક્ષ વાવી તેનો ઉછેર અને જતન કરે જે અંતર્ગત ખેડા જિલ્લાના મહેમદાવાદ તાલુકામાં આવેલ તમામ શાળાઓમાં અભ્યાસ કરતા વિદ્યાર્થીઓ દ્વારા આ અભિયાનમાં નોંધપાત્ર કામગીરી કરવામાં આવી છે. આ તમામ બાળકો દ્વારા તાલુકાના જુદી જુદી શાળામાં વૃક્ષારોપણ નો કાર્યક્રમ યોજવામાં આવ્યો હતો. જેમાં કુલ 41,551 વૃક્ષ પોતાની માતા સાથે રાખીને વાવવામાં આવ્યા હતા તેમજ તેના ઉછેર ની પ્રતિજ્ઞા લેવામાં આવી હતી.આ ઉપરાંત વેબસાઈટ પર બાળકોની સેલ્ફી અપલોડ કરી પ્રમાણપત્ર મેળવવામાં આવ્યા છે.

મહેમદાવાદ તાલુકા કક્ષાએ મોદજ કુમાર અને કન્યા શાળામાં 610 વૃક્ષ સાથે એક પેડ માં કે નામ કાર્યક્રમ મહેમદાવાદ 117 વિદ્યાનસભાના ધારાસભ્ય અર્જુનસિંહજી ચૌહાણની અધ્યક્ષતામાં યોજવામાં આવ્યો હતો.આ પ્રસંગે અગ્રણીઓ સરપંચ, તાલુકા અને જિલ્લાના અધિકારીઓ અને પદાધિકારીઓ, વાલીઓ, બાળકો અને શિક્ષકો જોડાયા હતા. આ કાર્યક્રમમાં માજી સૈનિકોને સિંદુરનો છોડ આપી સન્માન કરવામાં આવ્યું હતું તેમજ બંને શાળાના આચાર્યઓને ધારાસભ્ય અર્જુનસિંહ દ્વારા પ્રમાણપત્ર આપી સન્માનિત કરવામાં આવ્યા હતા.