મહેમદાવાદ તાલુકાના સિંહુજ ખાતે વિકાસ સપ્તાહની ઉજવણી કરવામાં આવી

આ પ્રસંગે સ્થાનિક લાભાર્થીઓના જીવનમાં યોજનાઓના પગલે થયેલા સામાજિક અને આર્થિક હકારાત્મક પરિવર્તન અંગે પણ રસપ્રદ રીતે તથ્યપુર્ણ રજુઆત કરી હતી.આ કાર્યક્રમમાં સૌએ વિકસિત ભારતના નિર્માણમાં સહયોગી બનવા પ્રતિજ્ઞા લીધી હતી.પ્રધાનમંત્રી જન આરોગ્ય યોજનાના લાભાર્થી ભાનુભાઈ ભટ્ટે વિનામુલ્યે થયેલ બાયપાસ સર્જરીની વાત કરી હતી.આ કાર્યક્રમમાં ઉપસ્થિત મહાનુભાવો દ્વારા રાષ્ટ્રીય કક્ષાએ તેજસ્વી દેખાવ કરનારા સિહુંજ પ્રાથમિક શાળાના બાળકોને પ્રમાણપત્ર એનાયત કરવામાં આવ્યા હતા. મુખ્યમંત્રી જ્ઞાનસેતુ પરીક્ષાના બે વિદ્યાર્થીઓને પણ પ્રમાણપત્ર અર્પણ કરવામાં આવ્યા હતા.લાભાર્થીઓને પ્રધાનમંત્રી જન આરોગ્ય યોજનાના આયુષ્માન કાર્ડ,સગર્ભા અને ધાત્રી માતાઓને પોષણકીટ તેમજ કુપોષણ મુક્ત થયેલા બાળકોને કીટ વિતરણ કરી હતી. ગામના ગંગાસ્વરૂપા માતાઓને ગંગા સ્વરૂપ વિધવા આર્થિક સહાય યોજનાના મંજુરીપત્રો આપવામાં આવ્યા હતા. મહેમદાવાદ તાલુકા પંચાયત કચેરી દ્વારા સિહુંજ પ્રાથમિક શાળાના આચાર્યશ્રી નરેન્દ્રગીરી ગોસ્વામીનું તાલુકા પ્રાથમિક શિક્ષણ અધિકારી બી.એમ ગોહિલ દ્વારા તેમના પ્રજાલક્ષી અને સ્વચ્છતા લક્ષી કામો માટે પ્રમાણપત્ર આપીને સન્માન કરવામાં આવ્યું હતું.આ કાર્યક્રમમાં અધિકારીઓ,વિવિધ કચેરીઓના કર્મયોગીઓ, આંગણવાડીની બહેનો, લાભાર્થીઓ અને ગ્રામજનો ઉત્સાહપૂર્વક હાજર રહ્યા હતા.

શ્રીનરેન્દ્રભાઈ મોદીના નેતૃત્વમાં -૨૪ વર્ષ જનવિશ્વાસ, સેવા અને સમર્પણના વિકાસ સપ્તાહની ઉજવણી અંતર્ગત ધારાસભ્યશ્રી અર્જુનસિંહ ચૌહાણના અધ્યક્ષ સ્થાને મહેમદાવાદ તાલુકાના સિંહુજ ખાતે વિકાસ સપ્તાહની ઉજવણી કરવામાં આવી હતી.આ પ્રસંગે ગ્રામજનોએ વિકાસરથ વધાવી વિકાસરથમાં વિકાસગાથાને નિહાળી સરકારની વિવિધ યોજનાઓથી માહિતગાર થયા હતા. વિકાસ સપ્તાહના ચોથા દિવસે યોજાયેલા આ કાર્યક્રમમાં પ્રાસંગિક પ્રવચન કરતા પૂર્વ કેબિનેટ મંત્રી અને મહેમદાવાદના 117 વિદ્યાનસભાના ધારાસભ્ય અર્જુનસિંહ ચૌહાણે જણાવ્યું હતું કે વિકાસની વાતનું વાવેતર કરીએ અને પાત્રતા ધરાવતા લાભાર્થીઓને વિવિધ યોજનાઓનો લાભ અપાવીએ.પ્રજાએ સરકાર પર જે ભરોસો મૂક્યો છે તે પૂરો કરવા માટે સરકાર પ્રમાણિકપણે પ્રયત્ન કરે છે. સરકારે સૌનો સાથ સૌનો વિકાસ સૂત્રમાં સૌનો વિશ્વાસ અને સૌનો પ્રયાસ સાર્થક કરીને જનભાગીદારીને મહત્વ આપ્યું છે.આ વિકાસ ઉત્સવમાં પ્રજાની ભાગીદારી પણ મહત્વપૂર્ણ છે.તત્કાલીન મુખ્યમંત્રી અને વર્તમાન વડાપ્રધાનશ્રી નરેન્દ્રભાઈ મોદીએ રાજ્યના વિકાસની પાયાની કામગીરી આરંભી હતી તેને ભુપેન્દ્રભાઈની સરકાર આગળ વધુ વિકસાવી રહી છે.